Los Bolechas

Biblioteca Básica Los Bolechas

Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image


Biblioteca básica 1
Image
La rúa Esti llibru fala de cómo tenemos que nos comportar pela rúa, de los pasos de peones, de los moñecos verde y bermeyu, de los semáforos, de les sielles de seguranza pa dir en coche, de cómo tenemos que llevar el perru pela rúa pa que nun moleste a naide...
Biblioteca básica 2
Image
Animales de la viesca N’esti llibru conocemos los animales que viven nes viesques: esguilos, llondres, águiles, llagartos y víbores focicudes... Los Bolechas van d’escursión pel monte pa velos, pero los animales nun quieren visites y amatáguense pente los árboles o fuxen.
Biblioteca básica 3
Image
Animales de la casería Los Bolechas viaxen hasta l’aldea de los primos pa conocer munchos de los animales de casería qu’hai ellí: vaques, pites, burres, gochos, oveyes... y hasta un pollín. Pero tamién vamos conecer otros animales que nun hai equí pero que son habituales n’otros países, como los elefantes, los camellos etc.
Biblioteca básica 4
Image
La hixene Esti llibru muestra cómo tenemos que llavar les manes o cómo habemos de curiar el dentame pa nun tener caries; tamién indica cada cuántos díes mudamos la ropa, cuándo habemos de cortar les uñes de los pies pa nun afuracar los calcetos o cómo se llimpien los zapatos. A quien nun-y gusta muncho la llimpieza ye a Trasgu, él nunca quier bañase.
Biblioteca básica 5
Image
Les hores del día A lo llongo d’esti volume vamos deprender cómo trescuerre un día. Cuando nos llevantamos, cuando vamos pa escuela, cuando xintamos y apigazamos, cuando facemos les xeres de clase, cuando merendamos y vamos pal parque, cuando nos acostamos, cuando suañamos con monstruos... O cuando podemos dormir más de la cuenta, porque tamos de vacaciones.
Biblioteca básica 6
Image
Los oficios Esti llibru fala de los oficios: los fontaneros, los canteros, los camareros, los panadeiros, los albañiles... Fala tamién de la ferramienta que s’usa en caún d’ellos: pales, martiellos, desatornelladores, abuxardadores, garabatos, sacacorchos...
Biblioteca básica 7
Image
Los accidentes en casa Nesti llibru Los Bolechas depriéndenmos a evitar accidentes comunes en llar, como cayer d’una escalera, esnidiar colos xuguetes que dexamos estraos pel suelu, quemamos na cocina, cortamos con un cuchiellu, tragar coses... Asina vamos deprender a afrontar estos peligros y vamos evitar munchos de los accidentes davezu se producen en casa.
Biblioteca básica 8
Image
La ropa Nes páxines vinientes vamos conocer los estremaos tipos de ropa: sayes, pantalones, calcetos, calzones, bragues, piyames... Pero tamién vamos ver ropa esportivo, como quimonos, tenis y guantes; ropa de trabayu, como chalecos reflectores, traxes d’agua o flundes, y uniformes, como’l de policía, el de bomberu o de comandante. E vamos ver, con certeza, la ropa pa perros.
Biblioteca básica 9
Image
Los tresportes de viaxeros Esti llibru fala de los tresportes de viaxeros: l’autobús, el tren, el metro, el barcu y l’avión. De les estaciones d’autobuses y del tren, de los puertos y aeropuertos y tamién de les persones que trabayen nellos: conductores, maquinistes, interventores, capitanes de barcos, marineros, comandantes d’avión, auxiliares de vuelu...
Biblioteca básica 10
Image
Cómo ñacemos Los Bolechas cúntenmos, de xeitu bien cenciellu y didácticu, cómo ñacemos: si lo facemos saliendo d’un güevu, como les pites, si ñacemos de la barriga de la nuesa ma. Tamién vamos saber cuántos meses dura un embaranzu, cómo crez el fetu, etc. Y mesmo vamos ver cómo ñacieron los hermanos Bolechas o’l propiu Trasgu.
Biblioteca básica 11
Image
El cuerpu humanu Nesti llibru vamos deprender cómo ye’l nuesu cuerpu. Cómo comemos, per ónde pasa la cebera y pa ónde va; qué ye’l corazón, los pulmones colos qu’alendamos, los músculos y los güesos. Tamién vamos conocer los sentíos: la vista, l’oyíu, el tactu, el tastu y l’olfactu. Y vamos ver los cambios que se producen al crecer, cómo ye Tatá de ñácaru y cómo va ser cuando se faiga vieyu.
Biblioteca básica 12
Image
El cuerpu también fala Esti llibru muéstramos cómo falamos col cuerpu, porque non namás lo facemos cola boca. Les manes son bien faladores, puen falar mesmo sol agua. La cara tamién fala bien d’ello, arremellando los güeyos, revirando la boca, mostrando los dientes... Los perros, como nun saben falar, falen mui bien col cuerpu pa dicir “dáme dalgo”, “toi nerviosu” o “tengo mieu”, amás de “hau, hau”, claro.
Biblioteca básica 13
Image
La historia Carlos quier saber qué pasaba na época los tataragüelos. Pero la historia empieza muncho primero, cuando los humanos mos parecíemos más a los monos que les persones. Pasín a pasu fomos evolucionando, deprendiemos a cultivar la tierra, a remanar munchos instrumentos, descubrimos nuevos mundos y inventamos una montonera coses…
Biblioteca básica 14
Image
Les xeres de casa Lena sabe facer delles xeres de casa, como barrer, recoyer los xuguetes o iguar la mesa. Mas otres, como tender la ropa, son mui difíciles. ¡Siempres pilla los deos coles pinces! Vamos ver qué llabores hai que facer en casa pa tenela llimpia y curiosa y cómo podemos axudar los mayores.
Biblioteca básica 15
Image
La cocina Olaya quier deprender a cocinar pa facer un programa na tele, pero pa eso tien que saber muncho. Con ella y col restu Los Bolechas vamos deprender bien de coses sobre la cocina: qué preseos s’usen, cómo s’igua la mesa, formes de cocinar, tipos d’alimentos y mesmo comíes típiques de munchos llugares del mundu. ¡Bon provechu!.
Biblioteca básica 16
Image
La música Xabel quier ser director d’orquestra cuando seya mayor. El casu ye qu’entá nun sabe muncho de música. Con esti llibru vamos deprender que ye la música, qué coses producen soníos, qué tipos d’instrumentos hai, estilos musicales… ¡Nel próximu festival de la escuela Xabel va acompañar con maraques una canción caribeña con bien de ritmu!.
Biblioteca básica 17
Image
Los animales salvaxes A Tatá gústa-y muncho mirar pal pexe del acuariu pero ye un neñín y nun sabe que na mar viven millones de pexes xunto con otros animales, ocles y plantes. Con esti llibru va deprender bien de coses sobre los océanos, va conocer les diferentes zones que lu formen y quién habita en caúna d’elles.
Biblioteca básica 18
Image
Los océanos Esti llibru muéstramos cómo falamos col cuerpu, porque non namás lo facemos cola boca. Les manes son bien faladores, puen falar mesmo sol agua. La cara tamién fala bien d’ello, arremellando los güeyos, revirando la boca, mostrando los dientes... Los perros, como nun saben falar, falen mui bien col cuerpu pa dicir “dáme dalgo”, “toi nerviosu” o “tengo mieu”, amás de “hau, hau”, claro.